Anderkant die Potskerwe

Description

Anderkant die Potskerwe

Geloofsreis deur Trauma

Vierduisend jaar gelede het daar ‘n man in Us, in die noorde van Arabië gewoon. Hy kon net sowel ná 1994 in Suid-Afrika geleef het. Want net soos ons verhale, is sy verhaal deurweef met verskriklike verliese, vernedering, ontbering, skok en trauma.
Dit is die verhaal van ‘n man wat moes worstel met onverdiende pyn en vrae na die teenwoordigheid van God in ‘n trauma. Sy verhaal is soortgelyk aan baie Suid-Afrikaners se verhale en roep ons om saam met hom te worstel om sy en derhalwe ook ons eie lyding te verstaan. Kán ‘n gelowige ly?
Waarom gebeur sulke slegte dinge met goeie kinders van God?
Geweld, gewapende aanvalle, rooftogte, verkragting, huishoudelike geweld, Vigs en ander siektes, padongelukke en armoede is alledaags in ons land.
Hoe moet ons as christene in Suid-Afrika oor God en met God praat te midde van lyding?
Hierdie boekie worstel saam met die gelowige deur die trauma en al die waarom-vrae.

(Softcover p 197)